Los distribuidores de butanu amenacen con suspender el repartu pa en casa

N'Asturies operen cuatro compañíes y hai 150.000 llares que consumen butanu

Esti martes la bombona de butanu pasará a costar 16,64 céntimos, un 0,18% más. Pero nin un céntimu d’esa xubida sedrá pa cubrir los costos de distribución, que se revisen en xunetu.

Les empreses comercializadores aseguren qu’en 2024 namás-yos pagaron un céntimu más por bombona entregada y que pa la siguiente actualización el Gobiernu aprobó una xubida de 30 céntimos. Una cantidá entá insuficiente, según la patronal señala Iago Castro, presidente de la Federación Española de Distribuidores de Gas Licuao (FEDGLP).

N’Asturies operen cuatro empreses de distribución, 250 en toa España. La patronal va proponer la suspensión indefinida del repartu en casa como midida de presión. La decisión tomaráse a finales de febreru y afectará a 150.000 llares asturianos.

El gas butano sigue siendo la principal fonte d’enerxía en munches cases, sobre manera en zones rurales. En 2024 vendiéronse n’España 50 millones de bombones, 900.000 n’Asturies.