Duro Felguera pide una prórroga de tres meses pal preconcursu d'acreedores

El Principáu confía en que Duro Felguera puea "resolver los sos problemes" a curtiu plazu

Duro Felguera pide tres meses más de preconcursu d’acreedores p’algamar salvar la so insolvencia. Ye la so solicitú al xuez cuando güei vence’l plazu del preconcursu”.

La inxeniería presenta como argumentu que cunta col sofitu del 96,5% de los acreedores. D’esta manera cuntaría con tres meses más, hasta’l 11 de xunu, pa poder siguir negociando una salida a la so situación.

En paralelo la dirección de la ingxniería sigue n’Arxelia negociando un llitixu cola compañía enerxética estatal pol que tán en xuegu 400 millones d’euros pol conflictu pola construcción d’una planta termoeléctrica en Djelfa.

De momentu tampoco hai alcuerdu cola SEPI, con quien trata de negociar que’l préstamu de 120 millones d’euros que-y dio en la pandemia puea convertise en capital y poro, n’acciones de la compañía.

La conseyera de Transición Ecolóxica, Industria y Comerciu, Belarmina Díaz, amosó esti martes la so confianza en que Duro Felguera, que solicitó al xulgáu la prórroga del so preconcursu d’acreedores, "puea resolver los sos problemes nel curtiu y nel mediu plazu".