Asturies rexistró 385 donaciones de vivienda en 2024, la cifra más alta dende 2007

El Colexu d'Economistes d'Asturies esplica l'aumentu na baxada del impuestu de donaciones

La donación de viviendes aumentó un 75% en 2024 al respective del añu anterior. L'añu pasáu Asturies rexistró 385 donaciones de vivienda. Foi la cifra más alta de tola serie histórica qu'empezó en 2007.

Un máximu históricu en plenu puxu del preciu de la vivienda qu'en 2024 xubió de media un 11%. Tamién xubió'l númberu de viviendes tresmitíes por heriedu. L'añu pasáu hebo más de 5.800. De nuevo ye la cifra más alta dende fai 17 años xusto enantes del españíu de la crisis inmobiliaria.

El Colexu d'Economistes d'Asturies cree que la baxada del impuestu de donaciones n'Asturies, del 7,5 al 2% pa cuantíes menores a 150.000 euros, esplica esti aumentu de les donaciones. A nivel nacional, esti tipu de tresmisiones xubió un 15%, pero n'Asturies llegó al 68.

Les viviendes namás son una pequeña parte del total de donaciones. El restu, son sobre manera monetaries: cuantíes de menos de 40.000 euros que se dan a fíos o a nietos p'aportar a un creitu hipotecariu.

Tocante al heriedu de viviendes, Asturies ta n’alza dende 2021. Un enclín que n'España preséntase más tarde, dende 2023, señala Abel Fernández, decanu del Colexu d'Economistes d'Asturies.