El Principáu va pagar enantes d'abril 35.517 ayudes del bonu térmicu pendientes dende 2022

"La xestión del bonu ye mui complicada y acarretó malestares a les persones. Asumo la responsabilidá", dixo Del Arco

La Conseyería de Derechos Sociales y Bienestar va abonar enantes de rematar el primer trimestre un total de 35.571 ayudes pendientes del bonu social térmicu correspondientes a los exercicios 2022, 2023 y 2024.

La titular d'esti departamentu, Marta del Arco, asina lo indicó nuna comisión nel parlamentu asturianu, na que detalló que yá mandaron pagar 19.475 espedientes de prestaciones correspondientes al añu pasáu.

Nel segundu trimestre van empezar a resolvese los 22.072 espedientes a los que se-yos reclamó documentación complementaria y que nel tercer trimestre va siguir cola tramitación d'otros 16.600 qu'entá nun fueron comprobaos.

D'esta forma, según la conseyera, l'añu va acabar tramitándose 52.171 espedientes de los 101.641 presentaos ente 2022 y 2024.