Adrián Barbón apuesta por reforzar la presencia d'Asturies en nuevos mercaos internacionales

El presidente del Principáu asitia les esportaciones como ún de los pegoyos de 'la década del cambéu' n'Asturies

El Gobiernu del Principáu promoverá l’apertura de nuevos mercaos internacionales y la diversificación de sectores pa fortalecer les posibilidaes de negociu y esportación de les empreses, según resaltó esti martes el presidente del Principáu d’Asturies, Adrián Barbón,

Na so visita a la sede de la Sociedá Esterior de Promoción Principáu d’Asturies (Asturex), Barbón señaló qu’hai qu’abrir nuevos frentes nel comerciu esterior, porque’l 70 por cientu de les esportaciones d’Asturies van al mercáu européu.

Nesti sen, destacó que se tán faciendo viaxes comerciales a llugares que tienen potencialidá de mercáu p’abrir nuevos nichos en países d’Asia y África qu’hasta agora yeren inesperaos, ensin dexar de siguir potenciando los mercaos americanos, informó’l Gobiernu del Principáu.