Arcelor para la producción nel tren d’alambrón

Foro solicitará a Barbón qu’esplique los planes del Gobiernu asturianu

Tal y como se pensaba, dende primer hora d’esta mañana sigue paráu’l tren d’alambrón d’Arcelor, parada qu’amás xenerará un espediente de regulación d’empléu.

Amás, el miércoles y el xueves tamién parará’l tren de chapa de Xixón y los sos trabayadores dirán a un ERE.

Toes estes paraes fáense nel marcu del anunciu de la empresa, pol que, la situación na compañía ye de "emerxencia total" pola cayida de pidíos.

A entamos de payares, parará’l Fornu Altu B, y esti sí que nun tien fecha de reactivación.

Nesti contestu, sindicatos y dirección aconceyarán mañana pa tratar del conveniu.

Foro va solicitar la comparecencia del presidente del Principáu pa qu’esplique los planes del Gobiernu asturianu. El diputáu Pedro Leal asegura que nun basta con llamentase, sinón que tien que proponer midíes.