Asturgar presenta una nueva llinia de financiamientu empobináu a pymes y autónomos

Aquisgrán ye un productu non bancariu pioneru n'Europa

Asturgar presentó güei Aquisgrán, una nueva llinia de financiamientu empobináu a pymes y autónomos. Aquisgrán ye un productu non bancariu que dexa l'accesu de pymes y autónomos a fondos financieros que suelen tar acutaos pa grandes empreses.

Una nueva llinia de financiamientu pioneru n'Europa creada poles sociedaes de garantía recíproca españoles como Asturgar. L'asturiana va avalar la concesión de los préstamos de forma cenciella y áxil. Un creitu qu'ufierta atractives condiciones como un moderáu tipu d'interés fixu.

Dende Aquisgrán calculen la concesión de más de 1.600 préstamos nos próximos dos años. Un centenar podríen quedar nel Principáu. El so oxetivu ye qu'unu de cada tres euros d'inversión seya pa préstamos verdes.

Los recursos d'esti fondu de titulización superen los 150 millones d'euros. El capital disponible va medrar a midida que la cartera d'inversores aumente.