Asturies bate'l récor d'esportaciones con más empreses que venden al esterior

La medría de la conectividá aérea en 2023 abrirá nueves oportunidaes de negociu, según Asturex

A pieslle d’ochobre, últimos datos disponibles, les asturianes yá esportaren un 23% más qu’en 2021, per enriba de los 5.100 millones d’euros.

La xubida de la materia prima, l’encarecimientu del tresporte internacional de contenedores y la crisis enerxética pola invasión rusa d’Ucraína fueron dalgunes de les torgues d’esti añu nel que les empreses asturianes volvieron a refuxase nel mercáu européu.

Les esportaciones nel continente pasaron de suponer el 68% del total a más del 76%. Italia, Francia y Portugal son los principales destinos.

Consecuencia d’ello ye qu’Asturies presentará una balanza comercial negativa a la escontra de la tendencia avezada.

La Sociedá Asturiana de Promoción Esterior volverá en 2023 a la presencialidá pa siguir ampliando la base d’empreses esportadores.

La medría de la conectividá aérea en 2023 abrirá nueves oportunidaes de negociu, según Asturex

La industria del metal sigue liderando’l ranking​ esportador asturianu.

El 2022 pieslla con dos problemes ensin resolver: la interrupción de les rellaciones comerciales con Rusia por mor de la guerra y la crisis diplomática con Arxelia, que perxudica sobre manera a dalgunes empreses del sector metal y inxenieríes asturianes.

Na parte positiva, según el director d’Asturex, la medría de la conectividá aérea anunciada pa 2023 n’Asturies.