Bizum mueve yá 122 millones al añu

Los pagos por bizum favorecen que Facienda controle'l dineru que circula

Un xestu tan cenciellu como esti, pa saldar una delda o facer un pagu, ta motivando que cada vegada usemos menos l’efectivo. Y esa ye una ventaya pa facienda, que controla más el nuestru dineru apunta Antonio López Clariana, director de la zona Norte de Renta4.

Bizum ye l’únicu serviciu de baldre de los más de los bancos, porque nun esixe nengún requisitu. Pero, ¿qué saquen entós con ello? Ye una renuncia a un ingresu estraordinariu que teníen los bancos, que los veceros, seguramente, pelearíen por esi cobru de comisiones que se cobraríen nes tresferencies nel intre. Y anque enagora nun tean cobrando por ello, cada entidá podría facelo si lo ve conveniente, asegura López Clariana.

Y ye que los bancos tán obligaos dende 2016 a facilitar el serviciu de tresferencia nel intre, lo que conocemos como bizum, por ello xuniéronse y creáronlu. Según los últimos datos, yá tien 25 millones d’usuarios y l’añu pasáu movió 122.000 millones d’euros.