Calendariu solidariu de cine pa visibilizar a persones con discapacidá

La recaldación destinaráse a pagar les actividaes de l'asociación 'Fraternidad'

2024 sedrá pa 'Fraternidad' un añu de cine. Y ye que’l séptimu arte da forma al calendariu solidariu que dende va tres llustros edita esta Asociación tapiega d’atención a persones con discapacidá, col envís de siguir visibilizando y dando a conocer esti colectivu.

Auténticos clásicos de la gran pantalla como 'James Bond', 'Grease' o 'Superman' protagonicen caún de los 12 meses d’esti recién estrenáu añu. Como modelos, unos actores d’escepción. Los propios usuarios del centru.

Recreaciones de gran fidelidá qu’amiesten humor, grandes dosis d’ilusión y dellos díes d’intensu trabayu.

Calendarios onde’l principal protagonista lleva’l nome de solidaridá. Tolo recaldao cola so venta repercute en programes y actividaes desendolcaos pola Asociación.

Un chisgu al celuloide qu’enfoca’l 2024 al inxerimientu dafechu.