Coles nuna gasolinera de Xixón qu'ufierta'l combustible más barato d'Asturies

La gasolina y el gasoil baten records en plena invasión d'Ucraína

El preciu mediu de la gasolina 95 ye de 1,87 euros güei n'Asturies. Nuna gasolinera de Proaza algama inclusive los 2 euros y la más barata ta en Xixón, onde no que va de selmana tán rexistrando unes coles inusuales.

Na estación de serviciu la gasolina de 95 octanos ta a 1,68 céntimos por llitru polo que munches d'estes persones prefieren perder un pocu de tiempu en cuenta d'aforrar unos cuantos euros.​

La gasolina y el gasoil volvieron superar los sos máximos históricos tres encarecese na última selmana un 4,4% y un 5,6%, respectivamente, coincidiendo cola invasión rusa d'Ucraína y cola posibilidá de qu'un embargu global al petroleu ruso impulse entá más los precios del combustible.