Concentración escontra'l pieslle de la térmica de Soutu

Vox denuncia la falta d'alternatives y la destrucción de trabayu

Al rodiu d’un centenar de persones participaron esti mediudía nuna concentración en Soutu, en Tinéu, escontra’l pieslle de la central térmica. Un actu convocáu por Vox y el sindicatu 'Solidaridad', nel que se denunció la falta d’alternatives y la destrucción de trabayu.

Escontra l’esbarrumbe de la térmica del Narcea y en defensa de la soberanía enerxética. Con esti lema Vox y el sindicatu 'Solidaridad' protagonizaron esta mañana una concentración en Soutu.

La formación denuncia la falta d’alternatives y la parálisis de los gobiernos rexonal y local énte’l pieslle.

Daqué más d’un centenar de persones xuntábense en Soutu, nun actu, nel que se punxo’l focu na destrucción de trabayu y la pérdida de texíu industrial.

L’Ayuntamientu de Tinéu concedió en marzu la llicencia d’obres pal desmantelamientu, que podría durar unos tres años.