Conseyos pa compartir décimos de llotería de forma segura

Si toca munchu dineru ye recomendable planiar en qué s'invierte

Hai daqué básico cuando se comparten décimos de llotería y ye que cada participante tenga un xustificante válidu. Asina lo asegura José María Montalvo, delegáu d'EFPA n'Asturies.Y eso sirve pa otros medios más actuales como mandar la semeya per WhatsApp o vía mail.

Pa cobrar el premiu, hasta 2.500 euros en cualquier alministración de llotería y el restu n'entidaes bancaries collaboradores. Y dempués de la euforia y celebración inicial Sara Herrero, directora de máster d'Economía de EAE Business School aconseya sensatez.

Si nun tenemos conocencies financieres convién dir a un asesor financieru. Y asina poder estudiar les meyores posibilidaes d'inversión: nuna casa, en fondos d'inversión o, por casu, en delda pública. Pa que seya de verdá un premiu.