Convocaos paros n'Arcelor pol bloquéu del alcuerdu marcu

Arcelor entama les sos paraes y retayos na producción de les plantes asturianes

La sección sindical intercentros de Comisiones Obreres n'Arcelor convocó paros de dos hores per turnu nel mes d'ochobre nes plantes d'Asturies, Euskadi, Lesaka y Sagunto. Culpen a la empresa de bloquear les negociaciones del alcuerdu marcu y de nun respetar pactos yá roblaos.

Amás, señalaron que la dirección usa les paraes en delles de les sos llinies acabadores, como midida de presión, lo mesmo que l'Espediente de Regulación Temporal d'Empléu. UXT tamién sollerta de los peligros que pue causar esti espediente.

Pela so parte la multinacional aseguró que tanto l'ERE como les paraes tán motivaes pola cayida de los pidíos y indicó qu'hasta l'últimu mes d'anguaño nun se va saber con seguridá cuála ye la situación real d'Arcelor Asturies.

Les paraes van afectar a unos 600 trabayadores n'acabaos, alambrón, tren de chapa gruesa, amás de la baxada de producción de l'acería n'Avilés.