Danone ta dispuesta a vender la fábrica de Salas

La empresa va negociar prexubilaciones, indemnizaciones y recolocaciones n'otres plantes

La dirección de Danone, que plantegó'l zarru de la so planta en Salas y l'aplicación d'un ERE d'estinción pa los sos 69 trabayadores enantes de final d'añu, aceptó estudiar la posibilidá de la venta de les instalaciones a un inversor, anunció esti xueves el secretariu del Comité d'Empresa, Juan Carlos García.

Según afirmó, la dirección, que güei volvió caltener una xunta colos representantes de los trabayadores, "afita la opción de venta a una empresa vidable y solvente" que pudiera asumir a parte de la plantiya.

Amás, la empresa va negociar prexubilaciones, indemnizaciones y recolocaciones n'otres plantes, dixo García, quien afitó que "esto ye l'entamu de les negociaciones" y que lo importante ye que l'actividá granible siga en Salas.

El comité va tratar d'asegurar que, en casu de que llegue un nuevu inversor, los trabayadores despidíos por Danone tuvieren preferencia pa la entrada na nueva sociedá, esplicó García, quien refugó que la compañía puea revertir la decisión d'abandonar Salas.