Duro Felguera diz qu'amenorgar el 16% la plantiya ye'l mínimu p'asegurar el so futuru

La empresa tresllada un "mensaxe de confianza a veceros, socios y trabayadores"

La dirección del grupu d’inxeniería y bienes d’equipu Duro Felguera considera que la megua del 16% de la so plantiya actual ye "el mínimu afayadizu" d’axuste que necesita la compañía de bienes d’equipu p’asegurar un "futuru sostenible y fuerte".

La empresa plantegó’l xueves pasáu a la parte sindical un espediente d’estinción d’empléu n’Asturies pa 208 de los 1.293 trabayadores que formen la so plantiya na comunidá, cifra a la que s’amestaría l’amortización d’otros 40 puestos de trabayu nel estranxeru.

La dirección xustificó’l despidu colectivu por causes oxetives de calter económicu, productivu y organizativu y les dos partes tienen per delantre un plazu de negociación d’un mes nel que la compañía espera que’l diálogu entamáu "remate col alcuerdu más afayadizu" pa los trabayadores.