Duro Felguera piensa duplicar la plantiya del Tallerón

La empresa entrará nel sector de lo anovable ampliando la so división de calderería pesada

Duro Felguera entrará nel sector de lo anovable ampliando la so división de calderería pesada. La multinacional quier llevantar nueves instalaciones nel cai d’El Musel pa fabricar aeroxeneradores pa eólica marina.

A falta de concretar, contempla una inversión que podría rondar los 50 millones d’euros y que duplicaría la plantiya del Tallerón, onde tamién s’acometeríen meyores.

La compañía asturiana atraviesa una situación crítica agravada pola pandemia. Duro Felguera perdió 114 millones d’euros nel primer semestre del añu.

La dirección de la multinacional asturiana confía en que la SEPI autorice los 100 millones d’euros venceyaos a los efectos del COVID-19 que solicitaron al fondu estatal de sofitu a la solvencia, pero pide urxencia.

El plan estratéxicu de Duro Felguera busca xenerar actividá dientro de los vectores de medría a los que quieren espardise, lo anovable y los sistemes dixitales.