Duro Felguera piensa nuna viniente entrada d'inversores con ampliación de capital

La compañía xube en Bolsa un 23,7% dempués de dar anuncia de la llegada d'inversores

Duro Felguera aseguró esti martes que ta "nuna fase mui avanzada pal inxerimientu d’inversores estratéxicos privaos con un proyectu de futuru y capacidá financiera", daqué que piensa que se faga "darréu" nuna ampliación de capital.

Nuna comunicación unviada a la Comisión Nacional del Mercáu de Valores (CNMV), el grupu d’inxeniería y bienes d’equipu apuntó que tien roblaos memorandos d’entendimientu "con una llista curtia de socios industriales, proyectando una ampliación de capital que meyora’l so plan de viabilidá.

Duro Felguera, que l’añu pasáu foi oxetu d’un rescate públicu temporal cola concesión de 120 millones del Fondu de Sofitu a la Solvencia d’Empreses Estratéxiquess xestionáu pola SEPI, aseguró que la contratación ta medrando nos últimos meses "dempués de les torgues por mor del mercáu y la situación xeopolítica nos primeros meses del añu".​