El Principáu reconoz qu'hai 12.000 asturianos qu'entá nun recibieron el bonu térmicu

La Conseyería de derechos sociales y bienestar reconoz qu'entá nun pagó'l bonu térmicu, una ayuda pa pagar la calefacción, a 12.000 asturianos.

El motivu ye que se cambió'l sistema de pagu y hai que comprobar cada cuenta y eso ta ralentizando. Entá asina aseguren que van pagar enantes de fin d'añu. Amás hai otros 2.800 beneficiarios que nun tienen cuenta bancaria polo que tán contactando con ellos pa buscar una solución.

María de los Ángeles Silva ye una de les afectaes. Lleva tres años recibiendo'l bonu térmicu pa faer frente al pagu de la calefacción. Pero nesta ocasión, entá nun-y ingresaron el dineru, y nun sabe por qué.

El so casu ye'l de miles d'asturianos con pocos recursos. Diz que cuntaba con esi dineru y que la situación, de cara a avientu, va ser complicada si nun lu cobren.