El combustible baxa a pesar de la prohibición de la XE d'importar diésel ruso

Les estaciones de serviciu prevén qu'haya un encarecimientu en Selmana Santa

Los precios medios del carburante baxaron na última selmana a pesar de la entrada a valir de la prohibición d'importar diésel de Rusia a la Xunión Europea.

Equí n'Asturies, según los datos del Ministeriu pa la Transición Ecolóxica, el domingu pasáu'l preciu mediu de la gasolina 95 yera de 1,71 céntimos el llitru y ayeri sábadu, últimu datu oficial disponible, yera de 1,69.

El diésel costaba va una selmana 1,69 el llitru, ayeri 1,65.

Nel conxuntu del país, la baxada media de la gasolina 95 foi de dos céntimos el llitru na última selmana y la del diésel de cuatro céntimos de media.

Dende les asociaciones empresariales del sector nun refuguen que la xuba de los precios se dea en primavera, en concreto, según se vaya averando la Selmana Santa.