El conflictu n'Ucraína podría tener un impactu directu nes empreses del metal

El sector del metal asturiano ye'l principal esportador d'Asturies ​

El conflictu ente Rusia y Ucraína pue tener un impactu directu na xuba de los precios de les materies primes. La Federación d'Empresarios del Metal y Afines del Principáu d'Asturies apunta al preciu de la siderúrxica.

Rusia ye un país esportador a Europa de material siderúrxico, tamién de delles materies primes y metal y pa los que la XE ta buscando yá alternatives.

Ente la patronal asturiana témese'l fechu de que'l conflictu pause les decisiones d'inversión de compra de los países europeos.

El sector del metal asturiano ye'l principal esportador d'Asturies y Europa ye'l principal destín de los productos asturianos. Una posa na decisión de compra podría tener un impactu directu na facturación de les empreses asturianes, según señaló'l presidente de Femetal, Guillermo Ulacia.

La guerra n'Ucraína y les sos consecuencies en cuanto el consumu d'enerxía n'Europa podría acelerar el procesu de puesta en marcha de la regasificadora d'El Musel. Asina lo aseguró esta mañana l'alcaldesa de Xixón, Ana González, que llamenta que tenga que dase nel contestu d'un conflictu armáu.