FADE y el Principáu animen a les empreses a buscar financiamientu nos mercaos entamaos pa medrar

Solo'l 0,54% de los negocios asturianos tienen más de 50 emplegaos

Izertis, GAM, Duro Felguera y Asturiana de Zinc son les úniques empreses asturianes qu'agora coticen nos mercaos. Una forma de financiamientu alternativu a la que podríen sumase más compañíes de la rexón tanto industriales como tecnolóxiques.

Dende la Federación Asturiana d'Empresarios animen a tener en cuenta estes opciones pa medrar, y ye que de los 68.000 negocios de la rexón poco más de 300 tienen más de 50 emplegaos y menos d'un centenar superen los 250 trabayadores.

La presidenta de FADE, María Calvo, llamenta amás que les ventayes fiscales pa les pymes sumen cuando medren.

Les ayudes a la medría tán ente les prioridaes de l'alministración rexonal, según el conseyeru d’industria Enrique Fernández.

Les empreses más grandes non solo xeneren más bayura, empléu y innovación, sinón que soporten meyor les crisis económiques.