Incertidume ente los pescadores énte l'entamu de la costera de la xarda

El Conseyu Européu​ va definir les midíes d'ayuda dientro del fondu européu de Mar y Pesca

Los pescadores de los cais de la contorna oriental asturiana tán mui esmolecíos pola costera de la xarda d'anguaño.

A los problemes de la fuelga del tresporte y del combustible, los pescadores temen que la campaña nun seya rentable dafechu porque, pel momentu, los barcos de Cantabria y el País Vascu marquen la xarda a fondures mui baxes.

El Director Xeneral de Pesca del Principáu, Francisco González, amosóse mui esmolecíu poles repercusiones que la fuelga del tresporte ta teniendo nel sector pesqueru asturianu. Francisco González apelló a la responsabilidá.

El Principáu confía en que'l llunes el conseyu Européu d'Agricultura apruebe midíes pa solliviar la situación del sector primariu.

Ente estes iniciatives tán facilitar la lliquidez, ayudes directes a ganaderos y acelerar l'aplicación de la llei de la cadena alimentaria.

Tamién s'afiten ayudes concretes pal sector pesqueru, afectáu pol preciu del carburante.