Industria ve receptividá en Danone pa falar sobre la planta asturiana

La Xunta refuga por unanimidá'l pieslle de la factoría de Salas

El Xirector Xeneral de Industria, Juan Carlos Aguilera, destacó que los responsables de la empresa Danone amosáronse dispuestos a escuchar y entamar un procesu de diálogu encamináu a algamar la continuidá de l’actividá de la planta en Salas, a pesar de que la compañía plantegó’l despidu colectivu y el pieslle de Salas enantes de fin d’añu.

Aguilera aconceyó xunto al alcalde de Salas, Sergio Hidalgo, con directivos de Danone, qu’ayeri dieron anuncia a la representación de los trabayadores de la propuesta d’aplicar un ERE d’estinción pa los 69 trabayadores y el pieslle de les instalaciones de fábrica de Salas enantes d’acabar l’añu pa treslladar la producción a Francia.

La Xunta refuga por unanimidá’l pieslle de la factoría de Salas

La Xunta Xeneral del Principáu aprobó esti miércoles una declaración institucional de refugu a la decisión de la multinacional Danone de zarrar enantes de qu’acabe l’añu la so fábrica en Salas, que cunta con 69 trabayadores, y treslladar la so producción a Francia.