L’agua y la xeneración de talentu, oportunidaes de futuru p’Asturies

Conclusiones d’un grupu multidisciplinar de 25 espertos xuntaos poles cámares de comerciu

L’agua y la xeneración de talentu son dos de les oportunidaes pa impulsar el futuru de darréu d’Asturies. Asina lo ve un grupu multidisciplinar de 25 espertos xuntaos poles cámares de comerciu d’Asturies pa reflexonar sobre los modelos productivos que dexen la tresformación d’Asturies.

Científicos, empresarios, técnicos y periodistes, ente otros profesionales, punxeron en común les bases sobre les que consideren que podría afitase l’Asturies del futuru nun momentu de cambeos rápidos.

Ente la llista d’oportunidaes que debemos aprovechar ta la riqueza que nos aporta l’agua y l’entornu natural. Asturies tamién ye capaz de xenerar talentu, cuenta con suelu industrial disponible y si somos vieyos, ye qu’hai calidá de vida.

Ente les propuestes d’esti grupu de trabayu pa definir un nuevu modelu productivu ta’l desendolcu de la economía del hidróxenu, l’almacenamientu enerxéticu, l’impulsu de la economía circular, fomentar la industria biosanitaria y la venceyada a los recursos autóctonos, y el turismu verde.

Otres de les exes d’actuación son el sistema d’enseñanza, onde defenden la puesta en valor del profesoráu y que s’incentive la tresferencia de conocencia a la sociedá.

Los 25 profesionales tamién inxerten el desendolcu de nuevos modelos d’atención y cuidaos, y un modelu fiscal que nun suponga torgues pa l’atracción d’empreses y inversiones.