L'oru, peles nubes

La revalorización del oru favorez la rentabilidá nes mines d'Orovalle

L'oru ye una inversión avezada. Na xestora Renta 4 encamienten tener ente un 5% y un 10% n'oru, y Asturies nun queda al marxe.

Los analistes creen que l'oru podría siguir xubiendo, pero lo afayadizo, dicen, sedría invertir enantes. La cotización del oru tamién se vive al día nes 200 xoyeríes que se valora hai nel Principáu. El valor de la mercancía cambia cada selmana.

La xuba convierte a la xoyería d'oru en más cara y esclusiva.

La revalorización del oru da oportunidaes a que seyan rentables vetes d'oru que nun s'esplotaron hasta agora porque nun compensaba. Gracies a esto y la meyora tecnolóxica, les mines d'Orovalle consiguieron dir ampliando la so vida útil. Anguaño van reactivar la mina de Carllés, en Salas, parada dende va nueve años. Una mina que xunto a Boinás, en Miranda, calcúlase-y güei que tienen una vida de cuatro años.

Pa cuando escose, Orovalle espera poder abrir una nueva mina d'oru en La Ortosa-Godán y más allá, otra en Lidia, onde se tán faciendo cates p'axuntar más información. Esto garantizaría'l futuru de los 470 empleos directos y polo menos 100 indirectos que xenera la minería d'oru nel Suroccidente.