La Cámara de Comerciu d'Uviéu va ayudar na busca d'un comprador pa Danone

Cámara y Conceyu de Salas coinciden en que lo importante agora ye caltener la tranquilidá

La Cámara de Comerciu d'Uviéu tamién va pidir a Danone que facilite un posible proyectu alternativu a la planta de yogures. La entidá xúnese a los esfuerzos por atopar un inversor qu'asegure la continuidá de l'actividá llaboral y el caltenimientu de los puestos de trabayu.

El presidente de la Cámara de Comerciu, Carlos Paniceres, axuntóse güei col alcalde de Salas, Sergio Hidalgo. Les dos entidaes coinciden na importancia de que les alministraciones amuésense xuníes nesti procesu y coinciden en que lo importante agora ye caltener l'aselu

La Conseyería d'Industria repitió que ta faciendo un trabayu intensu pa revertir la situación. La empresa volverá axuntase cola representación sindical de Danone los próximos martes, miércoles y xueves. El próximu xueves, la plantiya va manifestase a les 20:00 en Salas.