La fuelga nos supermercados llega al ecuador ensin averamientu ente les partes

Alimerka asitia en 600.000 euros les pérdides pol bloquéu de mercancíes

La fuelga convocada nel sector minorista d’alimentación llega esti martes de Nuechebona al so ecuador con un siguimientu asemeyáu al de les tres xornaes pasaes y ensin qu’hubiere averamientos ente patronal y sindicatos pa tratar d’evitar que la protesta siga na ponte d’Añu Nuevu.

Alimerka, la principal cadena de supermercaos d’Asturies y la más afectada pola fuelga d’ocho díes convocada nel sector minorista d’alimentación d’Asturies, sufrió pérdides de 600.000 euros n’alimentos perecederos que nun pudo distribuyir pol bloquéu al que se sometió al so centru loxísticu de Llugones nel fin de selmana.