Radiotelevisión del Principáu d'Asturies Radiotelevisión del Principado de Asturias

Radiotelevisión del Principado de Asturias

Economía / Indicadores económicos

Fuente: RTPA, 30 de agostu. 2023 23:04

La inflación medra per segundu mes siguíu n'agostu, hasta'l 2,6%

En castellano

La inflación repunta por segundo mes consecutivo en agosto, hasta el 2,6%

L'aceite, ún de los productos que más xube

Los precios siguen xubiendo. N’agostu la medría foi de 3 décimes al respective de xunetu, según l’IPC adelantáu. Ye’l segundu mes siguíu al alza.

La medría ye por mor de la xubida de los precios del carburante y, en menor midida, del combustible líquido.

Si lo comparamos colos precios d’agostu de va un añu, la xubida ye del 2,6%. Per otro llau, la inflación subyacente, la que nun tien en cuenta nin la enerxía nin los alimentos frescos, baxa una décima y queda nel 6,1%.

L’aceite, ún de los productos que más xube

Ún de los productos que medró más el preciu ye l’aceite. Una medría que se lleva dando dende va más de dos años y que, nos últimos meses, foi sobre manera pronunciáu.

Los últimos datos disponibles correspondientes a los pasaos 12 meses amuesen qu’esta xubida xeneralizada de los precios provocó que’l consumu menguare cuasi un 14%.

Anque hai xente que compró más aceite pa evitar les medríes futures de los precios, tamién hai otres soluciones pa evitar estos precios tan altos.

Esti encarecimientu tamién provocó que la xente piense en nueves estratexes pa comprar esti productu al preciu más económicu posible. Esto fizo que la demanda d’aceite d’oliva, al traviés d’internet, medrare un 207% no que va d’añu.