La inflación modera la so xubida n'Asturies al 1,6% en mayu

L'encarecimientu de los alimentos menguó na comunidá del 12,2 al 10,2%

L’índiz de precios de consumu (IPC) xubió n’Asturies en xunu un 1,6 por cientu al respective del mesmu mes del añu pasáu, 1,3 puntos per baxo del alza interañal rexistráu en mayu, según los datos asoleyaos esti miércoles pol Institutu Nacional d’Estadística (INE), qu’afiten que l’encarecimientu de los alimentos menguó na comunidá del 12,2 al 10,2 por cientu.

En tasa mensual, los precios repuntaron nel Principáu un 0,6 por cientu, mientres que nel acumuláu del añu xuben un 1,6 por cientu.

La moderación de los precios n’Asturies foi por mor del abaratamientu del grupu de vivienda nun 13,9 por cientu interañal pola baxada de la electricidá, asina como del tresporte nun 7 por cientu pola mengua del carburante.