La multinacional holandesa Royal A-ware merca la planta de Danone en Salas

Enrique Fernández califica la venta de "bona noticia pal conceyu y pa la industria asturiana"

La multinacional láctea holandesa Royal A-ware mercó esti vienres la planta de Danone en Salas, cerrada dende finales del pasáu añu y onde llevaba presente más de cuatro décades.

El conseyeru d'Industria, Empléu y Promoción Económica, Enrique Fernández, calificó la venta de "bona noticia pal conceyu y pa la industria asturiana, porque da continuidá a l'actividá y al empléu na industria agroalimentaria del conceyu".

"Un oxetivu sobre'l que tuvimos trabayando a esgaya en coordinación col conceyu dende'l mes de mayu del añu pasáu. Esos esfuerzos finalmente llograron bones resultancies cola noticia que conocimos", apuntó.