La reforma llaboral afecta a les contrataciones temporales de Selmana Santa

La nueva normativa dexa roblar contratos fixos discontinuos p'actividaes estacionales

Les contrataciones temporales d'esta campaña de Selmana Santa cuesten más a les empreses que n'otres ocasiones cola entrada a valir de la reforma llaboral. Asegúrenlo les axencies privaes de contratación qu'afiten, sicasí, que'l nuevu marcu normativu nun ta retrayendo les contrataciones.

Si hai daqué que tamién ta faciendo distinta esta Selmana Santa ye la desapaición de los contratos por obra y serviciu y les penalizaciones polos contratos que duren menos de 30 díes. Una temporalidá propia d'esta campaña.

Cola última reforma, les empreses de trabayu temporal puen roblar contratos fixos discontinuos, pensaos p'actividaes estacionales o de temporada.

Les axencies privaes de colocación reconocen qu'en delles empreses esiste incertidume sobro cómo encaxar les sos necesidaes de contratación a la norma, que fomenta primero de too los contratos indefiníos.

Lo que sí ven ye un aumentu de la mortalidá de los contratos indefiníos.

Si en 2019, cuatro de cada 10 indefiníos liquidábense enantes del añu, agora esa cifra va xubir.