La tendencia del preciu de la lluz, a la baxa pa 2024

El grupu ASE avisa de la incertidume sobre les tarifaes eléctriques n'España

La incertidume sobre les tarifes eléctriques pue ser la principal torga pa qu’Arcelor apruebe les sos inversiones de transición enerxética n’Asturies.

N’opinión de los espertos del grupu ASE, asesor enerxéticu pa empreses, en Francia nun hai esi problema pol soporte que dan les nucleares.

Nuna entrevista en TPA Noticies Matinal, Leo Gago, responsable de Mercaos de Grupu ASE, esplica qu’en Francia un gran porcentaxe de la enerxía ye nuclear, lo qu’abarata y estabiliza’l preciu, mientras n’España’l problema ye la incertidume regulatoria y la llegada d’enerxía anovable da inestabilidá al preciu.

El preciu de la lluz entama 2024 con una xubida del 11% pola demanda, pol fríu, daqué que’l grupu ASE considera puntual y espera caltener la tendencia a la baxa, anque ensin saber si llegarán a precios previos a la crisis enerxética.

Destaca’l grupu’l llabor que desendolquen d’asociación pa la compra d’enerxía, axuntando a pymes pa dir al mercáu enerxéticu. Femetal forma parte d’esta compra colectiva qu’en dalgunos casos, algama aforros d’hasta’l 25%.