Les empreses de coches d'arriendu, esbordaes pola crisis de los semiconductores

La flota de vehículos ye cuasi un 30% menor a la qu'había en 2019

Les empreses de coches d'arriendu viéronse esbordaes por cuenta de la crisis de los semiconductores. La flota de vehículos ye cuasi un 30% menor a la qu'había en 2019, pero la demanda aumentó, polo que los precios disparáronse.

Tres vender parte de los sos activos pa encarar la pandemia, munches empreses d'arriendu de vehículos atoparon una nueva dificultá.

Pa responder énte la demanda d'esti branu, tuvieron que recurrir a prórrogues de devolución, importaciones o compra de vehículos de segunda mano. Amás, tuvieron qu'optimizar al máximu'l so serviciu. Too ello encareció les tarifes.

A pesar d'esta medría, munchos siguen prefiriendo esti mediu pa les sos vacaciones, sobre manera en zones tan repartíes como Asturies.

Dende la patronal encamienten a los usuarios acutar cola mayor antelación posible y reclamen a l'Alministración una baxada del IVA, qu'anguaño ye del 21%, porque consideren que la movilidá nun ye un luxu, sinón un derechu.