Los accionistes minoritarios de Duro Felguera constituyen un sindicatu

Piden a la SEPI qu'apurra'l segundu tramu de rescate públicu

Una ventena de pequeños inversores de Duro Felguera acaben de constituyise en sindicatu d'accionistes minoritarios. Decidieron pasar a l'acción nun momentu cimeru nel que ta la compañía. La so primer esixencia: que se llibere yá'l segundu tramu del rescate públicu.

Tienen comprometíu'l sofitu d'aproximadamente'l 3% del accionariáu, un porcentaxe asemeyáu al que tien Sabino García, el presidente de TSK y primer accionista de Duro Felguera.

Piden a la SEPI que dea'l segundu tramu de rescate públicu. Reconocen que lo óptimo yera atopar enantes un sociu industrial, pero afiten, el tiempu escosa.

Defenden la capacidá tractora de Duro Felguera, el so pesu na economía rexonal y recuerden que da empléu directu a más d'un millar de persones. Dalgunos d'esos emplegaos formen parte del nuevu sindicatu d'accionistes minoritarios.