Los economistes creen que la recuperación del Principáu va ser más sele

El preciu de la enerxía, la presión fiscal, les comunicaciones y les infraestructures, principales problemes

Más de la metá de los economistes asturianos, el 53,6%, prevé que la situación económica de la comunidá va empeorar nel próximu añu, por cuenta de factores de competitividá como'l preciu de la enerxía, la fiscalidá o les infraestructures.

Ésta ye una de les conclusiones de la tercer edición del Económetru Asturies 2021 que foi ellaboráu a partir de la opinión de 276 economistes inxertos nel Colexu d'Economistes d'Asturies -el 16,4 por cientu del colectivu- que participaron nuna encuesta fecha ente'l 10 de marzu y el 20 d'abril.

La proporción d'economistes que ven un empeoramientu amenorgó en 33 puntos al respective de la encuesta fecha va un añu, anque'l pesimismu sigue siendo dominante.

En concreto, el 29% prevé que la economía dirá un poco peor nel próximu añu y el 24,6 por cientu que va empeorar muncho, frente al 1,4% que diz que va meyorar muncho, el 34,8 por cientu que lo fadrá un poco y el 10,1% que cree que se va caltener igual.