Los terrenos de la Central Térmica del Narcea, zona de peligrosidá media d'inundaciones

L'Institutu de Transición Xusta aborda'l futuru desenvolvimientu d'actividá empresarial na zona

Los terrenos nos que ta la Central Térmica del Narcea fueron identificaos como zona de peligrosidá media d'inundaciones, plantegando duldes sobro'l futuru desenvolvimientu d'actividá empresarial. El tema tocóse esta selmana na primer xunta del grupu de trabayu col Institutu de Transición Xusta.

El rexidor esplica que nun ye una solución mui costosa y que la intención ye que seya Naturgy, nos trabayos d'esmantelamientu, quien la execute. Ye porque, apunta, les llicencies municipales pa esos llabores especifiquen que los terrenos tienen que quedar llistos pal desenvolvimientu d'actividá industrial.

Sobro'l futuru usu del espaciu, esta mesma selmana'l Idepa empezaba la caracterización de los terrenos y va siguir trabayándose nes propuestes presentaes.

El Conceyu de Tinéu concedió, con fecha del 10 de marzu, la llicencia d'obres a Naturgy.

Pel momentu fueron desenvolviédose dellos llabores previos, enantes d'empecipiar la fase d'esmantelamientu que s'envalora va allargase unos tres años.