Los tresportistes de mercancíes entamen un paru indefiníu

La CNTC xustifica la fuelga pola "gravísima" situación del sector a lo que s'amiesta la medría del preciu de los combustibles

La primer xornada de la fuelga indefinida convocada nel sector del tresporte de mercancíes en protesta polos altos precios del combustible ta desendolcándose n’Asturies ensin incidentes relevantes.

La protesta foi convocada en tol país pola minoritaria Plataforma pa la Defensa del Sector del Tresporte de Mercancíes, una iniciativa que nun sofita la mayor patronal del sector, la Confederación Española de Tresporte de Mercancíes (CETM).

Fontes de la Delegación del Gobiernu esplicaron que dende la pasada medianueche detectóse l’actuación de dellos piquetes informativos en centros de trabayu ensin qu’hubiere incidentes de gravedá.

Namás hubo estrozos materiales en Mercasturies cuando un miembru d’un piquete trató de bloquiar col so vehículu’l pasu a un camión y acabó produciéndose un choque.