Maroto afirma que l’alcuerdu d’Alcoa garantiza los puestos de trabayu

La ministra llama a la prudencia

La ministra d’Industria y Comerciu, Reyes Maroto, afirma que l’alcuerdu d’Alcoa ye la solución que toles partes queríen y que s’abre un horizonte pa poder trabayar nun proyectu de futuru pa les dos plantes.

"Creo que cola voluntá de toles partes algamóse caltener les plantes abiertes y los puestos de trabayu", dixo la ministra.

Reyes Maroto matiza, sicasí, qu’hai que ser prudentes porque Parter Capital, la empresa compradora, tien qu’aportar les garantíes financieres qu’esixe Alcoa.

"La venta tien que confirmase’l 31 de xunetu y Parter tien qu’aportar les garantíes qu’Alcoa pide", amiesta.