Namás 4.200 pensionistes cobraron el complementu de fienda de xéneru

La compensación xube a 378 euros añales por fíu

Más de 4.200 pensionistes cobraron el complementu de fienda de xéneru instauráu'l pasáu añu en sustitución del complementu de maternidá. Esti complementu, de 378 euros, dexó la incorporación de 1.300 persones que nun lu recibíen al tener namás un fíu.

La pensión media d'un home ye un 34% más alta que la d'una muyer n'Asturies. Una fienda qu'esti complementu quier desaniciar y amenorgar al 5%. Esta compensación xube a 378 euros añales por fíu y tien qu'acreitase un perxuiciu na carrera profesional por dedicase a los cuidaos y la crianza.

Más de 4.200 pensionistes beneficiáronse d'esta midida n'Asturies. Enantes, nel antiguu complementu de maternidá namás se pagaba a partir del segundu fíu. Agora, págase yá a partir del primeru, lo que benefició a 1.300 perceptores.

Sicasí, esta cifra queda lloñe de los 261.000 potenciales pensionistes que podríen vese favorecíos. Pese a ampliar l'abanicu a potenciales beneficiarios, el númberu de solicitúes sigue siendo baxu.

Otra de les novedaes d'esti complementu, la so estensión a los padres. La Xunión Europea considerara discriminatorio llendar l'anterior a muyeres.

El nuevu complementu de fienda de xéneru amplió a 1.300 persones la posibilidá de recibir esti pagu. El 5% de los perceptores son homes, tres acreitar que la so carrera profesional viose afectada pola paternidá.