Nueva normativa de les xubilaciones pa calcular la pensión y retrasar la edá

Recueye delles midíes pa penalizar la xubilación antemanada

Entra a valir la primer parte de la reforma de les pensiones, con delles novedaes como la nueva edá de xubilación llegal o la garantía del poder de les pensiones al recuperar l'IPC como referencia. Sicasí, esti nuevu marcu llegal recueye delles midíes pa penalizar la xubilación antemanada.

Les pensiones van xubir anguaño un 2,5%, ye dicir la inflación media añal rexistrada en 2021. En casu de que la inflación fuera negativa, la pensión quedaría inalterada. Ye una de les novedaes recoyíes na nueva norma apautada ente'l Gobiernu, empresarios y sindicatos en xunetu de 2021.

Amás, penalízase la xubilación antemanada. P'averar la edá efectiva y la llegal, la nueva norma contempla delles midíes, ente otres la revisión de los coeficientes qu'amenorguen la cuantía de la pensión al adelantar la xubilación. Eso sí va favorecese a los que cotizaren más años. Modifíquense'l marcu temporal p'amenorgar la cuantía y los coeficientes pasen a ser mensuales.

Amás d'acutar la xubilación forzosa, la nueva normativa meyora la xubilación flexible y acútase la xubilación forzosa por conveniu.