Sindicatos y patronal de los supermercaos vuelven negociar güei nel Sasec

Avisen que nun refuguen retomar los paros, si nun hai meyores

Sindicatos y patronal del sector minorista de l'alimentación volverán axuntase güei nel Sasec a les 12:00.

Un total de 17 díes dempués de que se desconvocare la fuelga de los supermercaos, los representantes de los trabayadores van al alcuentru pa reactivar la negociación del conveniu.

Si la xunta nun acabara bien, nun refuguen volver convocar los paros, anque van con mires de llegar a alcuerdos.

Aseguren que la fuelga foi desconvocada pol compromisu d'Asupa de retomar la negociación. Una decisión que se tomó tres la mediación del Principáu.

La patronal nun quixo faer declaraciones.