Trabayadores y Alcoa son quien a salvar la torga pa que la compra de la planta seya definitiva

Los representantes de los trabayadores dan por cumplíu l’alcuerdu robláu en xineru

Los trabayadores d’Alcoa y la dirección roblaron l’acta que pon fin al procesu entamáu en xineru que tenía como oxetivu la búsqueda d’un inversor.

Sicasí, los sindicatos negáronse a roblar el preste a cómo se desendolcó tol procesu de compra por parte de Parter, como-yos pidía Alcoa. Un sofitu que foi una de les últimes torgues na negociación.

Alcoa na so páxina web felicítase pola operación, pero recuerda que la merca final ta condicionada a que’l comprafor algame financiación adicional pa sofitar la operación.

El Gobiernu central nun quixo pronunciase sobre si confía o non en que se faga efectiva la compra.

Si l’alquisición nun pudiere completase’l 31 de xunetu, aplicaráse’l despíu colectivu y les midíes del plan social.

Col envís d’esti procesu, lo que queda agora pendiente ye que Parter cumpla coles condiciones d’Alcoa pa zarrar la venta.

La multinacional pide al fondu suizu que deposite 30 millones d’euros nes sos cuentes pa poder trespasar les fábriques d’Avilés y A Coruña.