Tresportistes asturianos piden al Gobiernu qu'intervenga énte les protestes de los llabradores en Francia

Unos 20.000 camiones españoles pasen a diario per Francia

Los tresportistes asturianos piden al Gobiernu central qu'intervenga énte les protestes de los llabradores en Francia, que tán tirando la so carga.

Laurentiu Defta, camioneru asturianu, atopó una concentración mientres volvía a Asturies con una carga de pataques. Tenía que llegar yá a casa, pero ta atrapáu nel sur de Francia poles protestes.

El presidente de la confederación Española del Tresporte de Mercancíes, y presidente d'Asetra, Ovidio de la Roza, esplica que cada día 20.000 camiones españoles lleven mercancía per Francia. Unu de cada cuatro mueve hortoliza o fruta. Encamienta evitar pasar pel país galu, yá qu'asegura les perdes son millonaries.

Cesintra asegura que'l problema en Francia ye crónicu y que los perxudicaos siempres son los tresportistes, esplica Alejandro García Mojardín, presidente de Cesintra.

Los llabradores franceses tán tirando la carga de tolos tresportistes estranxeros. A otru camioneru español dexáronlu ayeri ensin 25.000 llitros de vinu.