Una de cada cuatro empreses del metal prevé que les sos ventes baxen anguaño

Los empresarios tán esmolecíos polos elevaos costos llaborales

Una de cada cuatro empreses de la industria del metal d'Asturies prevé amenorgar anguaño la so cartera de pidíos y la facturación, anque solo una de cada diez plantega amenorgar la so plantiya, según reflexa la última encuesta llevada alantre pola patronal del sector, Femetal, sobro les perspectives pa 2024 y la evolución de 2023.

Según esti estudiu, el pasáu añu cerró con una medría cero de l'actividá granible na industria del metal asturiana de resultes de la incertidume del mercáu internacional y de la inestabilidá xeopolítica n'Europa, una evolución similar a que rexistró'l sector a nivel nacional.

El tonu "pesimista" caltiénse p'anguaño, según esti estudiu, que pon de manifiestu que'l 27 por cientu de les empreses del sector va amenorgar la so cartera de pidíos y la so facturación y que'l 90 por cientu va caltener la so plantiya, que nel pasáu añu sí que se vio amenorgada en conxuntu un siete por cientu al respective de 2022.