Vesuvius da anuncia del cese de la so xera industrial en Llangréu

La factoría cuenta con 111 trabayadores

El grupu Vesuvius, dedicáu a la ellaboración de productos refractarios pa la siderurxa, dio anuncia esti xueves de la so intención de zarrar la xera industrial nes sos factoríes de Llangréu (Asturies), que cuenta con 111 trabayadores, y Miranda de Ebro, que da trabayu a 17.

La dirección de la empresa treslladó esti xueves al comité d’empresa de la fábrica de Llangréu la so intención de formalizar un Espediente de Regulación d’Empléu (ERE) el 12 de setiembre viniente.

Esti ERE plantea’l "cese de la xera manufacturera" asina como dalgunes funciones alministratives tanto na so planta asturiana como na de Miranda de Ebro, según informó la empresa.

La multinacional, con sede n’El Reinu Xuníu, xustificó esta decisión na reorganización de la xera que ta llevando en toles sos fábriques europees énte l’estropiu que ta sufriendo la industria del aceru por un escesu de capacidá y la xuba d’importaciones de terceros países.

La factoría llangreana yá vivió un ERE va diez años, con un espediente que supunxo entós la marcha de 77 operarios ente los que fueron regulaos y aceptaron baxes incentivaes.