Vesuvius tará na primera xunta de la mesa negociadora convocada por Industria

Tamién dirán delegaciones de los ayuntamientos afectaos

Hasta última hora de la tarde, la so presencia nun taba garantizada. Finalmente, dos representantes de Vesuvius sentaránse a la mesa colos cargos y conseyeros del Ministeriu d’Industria, los Gobiernos del Principáu, Castiella-Lleón y los trabayadores.

Tamién dirán delegaciones de los ayuntamientos afectaos, Llangréu y Miranda de Ebro.

Una xunta convocada con urxencia p’analizar l’ERE presentáu por Vesuvius, porque’l periodu de consultes acaba’l 14 de ochobre.

Nesta xunta estudiaránse alternatives pa garantizar l’actividá de les plantes qu’ocupen a 111 trabayadores en Llangréu y 17 en Miranda de Ebro.

Los trabayadores desendolcaron una selmana de intenses movilizaciones y actividaes p’atropar sofitos, la última ayeri col Real Oviedo y el Real Sporting de Xixón.