El pluriempléu ronda cifres récor n'España

El 24% de la fuerza llaboral d'Asturies tien más de 55 años

El pluriempléu ronda cifres récor n’España. Cuasi 586.000 trabayadores reconocen tener un segundu trabayu, un 43% más que va 10 años. D’estes cifres, 301.000 son muyeres, que representen el 3% del total d’ocupaes según la Encuesta de Población Activa.

La pérdida de poder alquisitivu énte la inflación obligó a buscar un trabayu adicional, sobre manera a aquellos trabayadores con trabayu a tiempu parcial, una situación na que tán más muyeres qu’homes. Según el portal de trabayu Infojobs, el 40% de persones tienen esti segundu trabayu por necesidá, porque’l sueldu nun ye suficiente; y otru 32% tienlu pa tener ingresos estra.

Estes cifres tan altes de pluriempléu son por mor, según espertos, del mayor usu de la modalidá contractual del fixu discontinuu. En periodos d’inactividá, los trabayadores tienden a ocupar otru puestu a la espera de que vuelvan a llamalos y, anque daveres tán trabayando namás nun sitiu, a efectos estadísticos cunta como pluriempléu.

El 24% de la fuerza llaboral d’Asturies tien más de 55 años

N’Asturies contabilícense 110.000 persones actives mayores de 55 años. Ye dicir, persones qu’o tienen trabayu o que lu busquen. Esta cifra supón el 24% del total de la fuerza llaboral d’Asturies. Son datos d’un informe de la fundación Adecco, qu’urxe a que s’aproveche la mano d’obra sénior.

La cifra medró un 48% nos últimos 10 años, por mor del avieyamientu de la población y la emigración de la mocedá.