La facturación de les peluqueríes asturianes cai más d'un 20% en tres años

El gremiu sigue reclamando meyores nun sector consideráu esencial

El Día Mundial del Peluqueru llega con sabor agridulce. N’Asturies, la facturación del sector cayó más d’un 20% dende la pandemia, más que la media nacional. Xuníu a la xubida d’impuestos y salarios, fai que los autónomos, que son más del 80%, vivan una situación crítica.

Esti ye’l casu de Liliana Fanjul, que tien la so peluquería abierta dende 2012. Dempués de más de diez años, ve "insostenible" la situación.

Esta peluquera forma parte del movimientu 'Creer en Nosotros', que quier visibilizar la situación del sector. Per otru llau ta Jorge Sotolongo, qu’abrió’l so negociu en 2014, y qu’apuesta pola anovación pa intentar atrayer a los veceros y caltener el so negociu.

Unos problemes que, según l’informe de l’Asociación Nacional d’Empresarios de Peluquería, Estética y Imaxe Personal, afecten de manera crítica al 56% de los salones españoles.