La inflación modérase n'Asturies al 2,4% interañal n'agostu, colos alimentos al 2,8%

L'IPC modérase al 2,3% n'España

L'índiz de precios de consumu (IPC) moderó la so xuba interañal n'agostu n'Asturies en cinco décimes, al pasar del 2,9 al 2,4 por cientu, mientres que'l grupu d'alimentos fíxolo en siete décimes, del 3,5 al 2,8 por cientu, según los datos espublizaos esti xueves pol Institutu Nacional d'Estadística (INE).

Ye'l segundu mes consecutivu de descensos, dempués de que l'IPC baxara na comunidá en xunetu otres seis décimes.

Sicasí, en tasa mensual los precios medraron un 0,3 por cientu, mientres que nel acumuláu del añu fízolo una media del 2,6 por cientu.